«Біртұтас тәрбие» республикалық жобасының жоспарына сай қараша айының 4 күні Амирсеит А.Қ. жетекшілік ететін 9Б сынып оқушылары Камашева А. мен Имрамзиев Б. «Жасөспірім және іскерлік қатынас» тақырыбында қауіпсіздік сабағында өз білімдерін танытты.
Қауіпсіздік сабағының мақсаты – оқушыларға қауіпсіздік ережелерін үйрету, олардың қауіпсіздік туралы білімін арттыру және төтенше жағдайларда дұрыс әрекет етуді дағдыландыру. Бұл сабақ барысында балаларға жолда, мектепте, үйде және қоғамдық орындарда өзін қалай қауіпсіз ұстау керектігі, өрт, суға бату, алғашқы медициналық көмек көрсету, электр құралдарын қолдану, интернеттегі қауіпсіздік, құқықтық қауіпсіздік сияқты маңызды ережелер түсіндіріледі.
Сабақтың басты міндеттері:
1. Оқушыларға өмірге қауіп төндіруі мүмкін жағдайлар туралы түсінік беру.
2. Қауіп-қатер жағдайында өзін қорғау және басқаларға көмек көрсету тәсілдерін үйрету.
3. Қауіпсіздік ережелерін күнделікті өмірде қолдануды насихаттау.
4. Жауапкершілік пен сақтық дағдыларын қалыптастыру.
Қауіпсіздік сабағы арқылы балалардың өзін-өзі қорғау қабілеті дамып, өмірге қауіпсіз көзқарасы қалыптасады.
